Bervík SH-43

Bervík SH 43 var eikarbátur 36 brl. að stærð, byggð á Ísafirði. Hún fórst 27. mars 1985 með allri áhöfn er hún var á leið til Ólafsvíkur úr róðri. Síðast sást til bátsins úr landi er hann var staddur skammt undan Rifi og fórst hann rétt innar með landinu, en þar fannst flak bátsins litlu síðar. Þegar báturinn fórst var vindur af norðaustan, um 9 vindstig og leiðinda sjólag. Er talið að báturinn hafi fengið á sig brotsjó og ekki náð að rétta sig við aftur.

Með Bervík fórust 5 manns:

Úlfar Kristjónsson skipstjóri, 43 ára.

Freyr Hafþór Guðmundsson vélstjóri, 32 ára.

Sveinn Hlynur Þórsson stýrimaður, 28 ára.

Steinn Jóhann Randversson matsveinn, 48 ára (mágur skipstjórans).

Jóhann Óttar Úlfarsson háseti, 19 ára (einkasonur skipstjórans).

Allir nema Sveinn Hlynur eru jarðsettir í Ólafsvíkurkirkjugarði, en hann er jarðsettur í Sauðárkrókskirkjugarði. Hörður Gabríel tók myndir af legsteinunum í Ólafsvík og fær hann kærar þakkir fyrir!

Heimild:
Ægir 01.07.1985, s. 413

Leave a Comment

Your email address will not be published.