Heimagrafreitur Lækjarbotnum

Staðsetning: Seltjarnarneshr., Kjósarsýslu.
Fjöldi einstaklinga: 
1

Fjöldi legsteinamynda: 
5

Ljósmyndari: Hörður Gabríel og Helgi Jónsson (2022).
Fjöldi kvenna: 
0

Fjöldi karla: 
1

Meðalaldur:
 
77
ár
Skoða garðinn í gagnagrunninum

Sumardaginn fyrsta (23. apríl) árið 1913 var félagið Væringjar stofnaður af séra Friðrik Friðrikssyni. Í upphafi mun ekki hafa verið ætlunin að félagið yrði starfrækt sem skátafélag, enda var tekinn upp búningur fornmanna, eða búningur sem ætlað var að Væringjar til forna hefðu notað. Haustið 1913 tók Axel Valdimar Tulinius við forystu Væringja er séra Friðrik hvarf af landi brott. Fyrir áhrif hans urðu Væringjar skátafélag það sama ár og tóku upp alþjóðlegan skátabúning.

Sumarið 1919 hófu Væringjar leit að hentugum stað undir fyrirhugaða skálabyggingu. Fyrir valinu urðu Lækjarbotnar þar sem áður hafði verið býli sem var áningastaður ferðamanna austur yfir fjall. Þegar bílvegur kom var bærinn fluttur og skírður Lögberg, en Lögberg er nú löngu horfið. Væringjaskálinn var reistur sumarið 1920 og vígður hinn 5. september. Lengi framan af var skálinn einkum notaður til sumarferða enda var útbúnaður þeirra sem hann stunduðu, býsna ólíkur því sem nú þykir sjálfsagt að tilheyri hverjum ferðamanni. En með tímanum jukust vetrarferðir og skíðaiðkun skáta og Væringjaskálinn lék stórt hlutverk í auknum vetrarferðum.

Árið 1928 kom til liðs við Væringja fullorðinn maður, Guðmundur Magnússon klæðskeri. Í hugum margra tengdist hans nafn Væringjaskálanum öðrum fremur þar sem Guðmundur var skálavörður um 20 ára skeið. Þúsundir ungra skáta áttu fyrstu útileguna sína í þessum skála og hafa eflaust munað vel eftir Guðmundi. Svo kær var skálinn honum að eftir andlát hans var aska hans grafin í jörðu á afmörkuðum reit á flötinni þar sem skálinn stóð.

Heimagrafreiturinn að Lækjarbotnum var myndaður af Herði Gabríel og Helga Jónssyni og fá þeir báðir kærar þakkir fyrir!

Heimild:
MBL 13-08-1991, s. 14

Leave a Comment

Your email address will not be published. Required fields are marked *