Dr. phil. Helgi Pjeturss

1872 - 1949  (76 ára)

• Fornafn	Helgi Pjeturss  [1, 2]
  Titill	Dr. phil.
  Fæðing	31 mar. 1872	Reykjavík, Íslandi   [1, 2]
  Menntun	1891	Latínuskólanum, Reykjavík, Íslandi   [3]
  	Stúdent.
  Menntun	1897	Københavns Universitet, København, Danmark   [3]
  	Cand. mag í náttúrufræði og landafræði.
  Andlát	28 jan. 1949	Smiðjustíg 6, Reykjavík, Íslandi   [1, 4]
  Greftrun	7 feb. 1949	Hólavallagarði við Suðurgötu, Reykjavík, Íslandi   [1]
  		Helgi Pjeturss Plot: P-512
  Nr. einstaklings	I17819	Legstaðaleit
  Búinn til af	(Gedcom)
  Síðast Breytt	3 nóv. 2022

  
  

• Athugasemdir

  Dr. phil. Helgi Pjeturss fæddist í Reykjavík 31. mars 1872. Ungur gekk Helgi menntaveginn og tók stúdentspróf í Reykjavík 1891. Hann tók mjög gott próf, því að hann var frábær námsmaður á flestar greinar. Eftir stúdentsprófið fór hann til Kaupmannahafnar og hóf þar nám í náttúrufræði við háskólann. Lauk hann þar kennaraprófi í þeim í janúar 1897. Aðalgrein hans var jarðfræði. Þetta sama ár, sem hann lauk kandidatsprófinu, sendu Danir vísindaleiðangur til Grænlands. Helgi tók þátt í honum sem jarðfræðingur fararinnar. Fékk hann þar kærkomið tækifæri til að vinna að þeim viðfangsefnum, sem hann óskaði að gera sér að lífsstarfi. Eftir Grænlandsförina snéri Helgi aftur til Íslands og næstu árin stundaði hann jarðfræðirannsóknir hér á landi. Á þessum árum skrifaði hann fjölda greina í tímarit innanlands og utan. Árið 1905 sendi Helgi háskólanum í Kaupmannahöfn ritgerð um jarðfræði Íslands og hlaut doktorsnafnbót í jarðfræði fyrir, fyrstur Íslendinga. Hann fékk undanþágu frá því að verja ritgerðina munnlega vegna fjarveru og lasleika, enda mun enginn hafa véfengt meginrök hans og sjónarmið. Á þessum árum naut Helgi styrks frá Alþingi til jarðfræðilegra rannsókna. En heilsa hans fór ekki batnandi og smám saman dró til þess, að hann nyti sín ekki við rannsóknirnar. Síðasta ritgerð hans um jarðfræði mun hafa birst í þýsku tímariti 1910. En upp úr því varð hlé á ritstörfum hans. Hér urðu þáttaskil í sögu Helga Pjeturss. Nú voru það hin dýpri rök mannlífsins og gátur heimspekinnar sem hann glímdi við. Og að því gekk hann með sama áhuga og elju og fyrri störfum. Skapaði hann kenningu sem sneri að því, að maðurinn væri jafnefnislegur á öðrum plánetum eftir dauða sinn, og lifði á slíkum hnetti sem samsvaraði andlegu þroskastigi viðkomandi. Draumar okkar hér á jörðinni væru auk þess sýn inn í líf á öðrum plánetum. Um þessi efni skrifaði hann Nýalsbækur sínar, sex að tölu, og fjölmargt fleira. Helgi andaðist að heimili sínu, Smiðjustíg 6 í Reykjavík og hvílir hann í Hólavallakirkjugarði við Suðurgötu. [4, 5, 6, 7]

  
  

• Ljósmyndir

  Dr. Helgi Pjeturss við rannsóknir á fornu jökulbergi í Dímon í Þjórsárdal (J.Á. ljósm. 1939)

  
  

  Sögur

  Dr. phil. Helgi Pjeturss - In Memoriam

  
  

  Andlitsmyndir		Helgi Pjeturss
  		Dr. Helgi Pjeturss




• Kort yfir atburði		Fæðing - 31 mar. 1872 - Reykjavík, Íslandi Menntun - Stúdent. - 1891 - Latínuskólanum, Reykjavík, Íslandi Andlát - 28 jan. 1949 - Smiðjustíg 6, Reykjavík, Íslandi Greftrun - 7 feb. 1949 - Hólavallagarði við Suðurgötu, Reykjavík, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S35] Tíminn, 06.02.1949, s. 5. [S171] Íslendingur, 02.02.1949, s. 8. [S442] Náttúrufræðingurinn, 01.08.1949, s. 97-109. [S35] Tíminn, 06.02.1949, s. 5-6. [S392] Vikan, 18.10.1990, s. 30. [S25] Wikipedia, https://is.wikipedia.org/wiki/Helgi_Pjeturss.